Musikk & språk er tema for 35-årsjubileet til Førdefestivalen, 2.-6. juli. -Vi opplever dette som eit svært aktuelt tema i ei tid då verda er meir uroleg enn på lenge, og der språk og retorikk er med på å skape polarisering, seier festivaldirektør Sølvi Lien. Både språk og folkemusikk seier noko om kvar vi høyrer til, ein kulturell adresselapp som skaper identitet. Det er akkurat 85 år sidan invasjonen av Noreg, og kultur er no del av stortingsmeldinga om totalberedskapen i landet vårt. Samfunn rike på kunst og kultur gjev oss evne til å sjå fleire perspektiv, og skape ein felles identitet som verkar samlande og førebyggande mot krig.
På Førdefestivalen får publikum lytte til musikk dei ikkje har høyrt før og songar på språk dei ikkje forstår. Likevel talar musikken til dei og fortel historier frå heile verda. -Slik har det vore i alle dei 35 åra vi har arrangert festival, og vi veit at mange kjem fordi dei opplever denne samlande krafta i folkemusikken, seier festivaldirektøren.
Ledig stilling: produksjonsassistent!
Har du lyst på erfaring frå ein av dei fem beste festivalane i Europa uansett sjanger? No har du sjansen!
Førdefestivalen søkjer produksjonsassistent (100% stilling) til engasjement i perioden mai/juni til 8. juli 2025.
Bli med på årets kulturkonferanse i Førde!
torsdag 3. juli kl. 09.30-15.30
Amfi Eikaas, Scandic
-
Torsdag: Opningskonsert
Førde sin eigen radio- og tv-profil, Ronny Brede Aase leiar årets opningskonsert som har Musikk & Språk som tema.
-
Fredag: IRSK!!
I år blir det IRSK!! på fredags-kvelden, med strålande The Friel Sisters (bildet) og Goitse, og langbord og bar i Idrettshallen.
-
Folkemusikalsk Språksjov
på laurdagskvelden, med sjølvaste Linda Eide og ei rekkje festivalartistar som alle har språklege interesser.
-
Jubileumsfrukost i Sentrum Sør
Laurdag morgon inviterer vi til gatefrukost i Sentrum Sør og på Langebrua. Mat, musikk og aktivitetar for store og små.